October 2018 – Recipes from South Africa

Archive Monthly Archives: October 2018

my kiddies

Marakkas !!

Ai, nog ‘n pragtige Afrikaanse woord…. Daar is geen taal in die wêreld wat kan kers vashou by Afrikaans as dit kom by beskrywende woorde, uitdrukkings en manier van praat nie 🙂 Ek glimlag sommer klaar as ek net van die woorde deur my brein laat wandel… Dit is so mooi, so beskrywend, so akkuraat en pragtig.

Ek het net nou die aand een van my Haas Das se Nuuskas boekies vir my seuntjie gegee om te lees. Gaan hom ‘n ruk lank besig hou, maar hy lees so pragtig. Een van die stories se naam is “Hier kom groot marakkas!” ‘n Wonderlike beskrywing van wat gaan gebeur. Jy hoef nie eens te wonder nie, dit sê alles as jy net die opskrif lees.

Dit is presies hoe ek gevoel het nou die dag toe ek ‘n lemoenpoeding probeer bak het…. Ons huur ‘n nuwe huis en die oond het baie belowend en nuut gelyk, maar met kan nooit van die buitekant af oordeel nie… Ek het die poeding aangemaak en in die oong gesit en binne die eerste 5 minute het ek besef dat hier kom groot marakkas…..

Die poeding bo-op was sommer donker bruin, amper swart, en die poeding onder is nog in vloeistof vorm. Ai, en niks wil rys nie…. Die poeding bied nie eers ‘n poging aan om te rys nie, is net so plat soos toe ek dit ingesit het. Net so…. Geen vordering, geen bakproses… Net swart bo-op gebrand, rou aan die onderkant en plat soos ‘n pannekoek. Nou dit is wat mens noem marakkas…. GROOT PROBLEME….. So wonderlike akkurate beskrywing van hoe iet maklik verkeerd kan loop.

As jy opsoek is na die resep en wil sien hoe die poeding regtig MOET lyk, lees gerus meer by resep vir Lemoenpoeding

Vertel ons van marakkas wat plaasgevind het in jou kombuis. Deel gerus jou storie met ons 🙂 Jy is welkom on in AFrikaans of Engels te skryf. Maak gebruik van hierdie geleentheid om iets met die wêreld te deel 🙂