Category Archives for Resepte (Afrikaans)

Kolwyntjies

Hierdie mengsel kan gebruik word om een groot koek te bak en kan versier word met botterversiering en “hundreds and thousands”. Dieselfde mengsel kan ook gebruik word om individuele “cup cakes” mee te bak.

Bestandele:
1 koppie botter/margarine
1 ½ koppies suiker
1 koppie mielieblom (maizina)
1 koppie melk
4 eiers
2 koppies koekmeel
2 teelepels bakpoeier
‘n Knippie sout
1 teelepel vanilla geursel
1 teelepel gerasperde lemoenskil

Metode:
1. Room die botter en suiker saam.
2. Meng die mielieblom met ‘n ½ koppie melk en voeg by.
3. Klits die eiers baie goed en voeg by die mengsel.
4. Sif die droë bestandele saam en voeg om die beurt met die res van die melk by.
5. Voeg vanilla en lemoenskil laaste by. Meng goed en gooi in ‘n ronde of vierkantige
pan.
6. Bak in ‘n voor-verhitte oond teen 180°C vir omtrent 50 minute tot ligbruin.




Indien jy kolwyntjies bak kan die bak tyd aangepas word. Behoort nie langer as so 20 minute te bak nie. Versier sommer met enige kleur versiersuiker 🙂

As jy in Vereeniging Suid-Africa bly en jy wil eerder kolwyntjies koop, besoek gerus ons Ouma’s Cookies webblad…

South African Banana bread

Piesangbrood

Piesangbrood is so ‘n lekker Suid-Afrikaanse resep en is baie maklik en vinnig om voor te berei. Dit bak vir ‘n uur, maar die reuke wat uit die kombuis kom terwyl dit bak is tog te heerlik… Hier is die resep…

Bestandele
½ koppie botter
1 koppie suiker
1 teelepel vanilla geursel
2 eiers
2 koppies meel
2 teelepels bakpoeier
‘n Knippie sout
5 klein piesangs

Metode
1. Room die botter en suiker saam. Voeg die vanilla hierby.
2. Meng die eiers een vir een by.
3. Sif die droë bestandele saam en voeg by.
4. Druk die piesangs fyn en voeg laaste by.
5. Bak vir 1 uur in voor-verhitte oond teen 180°C.

Banana bread cooling down in pan

Wanneer die brood uit die oond kom moet jy dit vir ‘n paar minute in die pan laat rus en dit dan op ‘n afkoelrak laat afkoel. Sny die brood terwyl dit nog ‘n bietjie warm is. As jy dan die botter opsmeer dan smelt dit nog so effens en dit maak die brood nog lekkerder.

Jy kan die resep baie maklik Gluten Vry maak deur die meel en bakpoeier te vervang met gluten vrye produkte. Onthou ook om ‘n kwart teelepeltjie xantham gum by te voeg om dit te laat bind. Hierdie piesangbrood wat ek gister gebak het is Gluten Vry.

South African Banana Bread




Warm Cheese puffs

Kaaspoffertjies

Kaaspoffertjies is die oulikste naam… klink so lekker vars en fluffy. Kaaspoffertjies is ‘n groot gunsteling onder kinders en volwassenes. Hierdie resep is baie eenvoudig om voor te berei. Laat die kinders jou help, hulle sal dit vreeslik baie geniet.

Hierdie resep kan baie maklik gluten vry gemaak word.

Bestandele:
1 koppie meel (gebruik gluten vrye meel. Meng chick pea, wit rysmeel en tapioca meel saam)
2 teelepel bakpoeier (gluten vry)
1 koppie gerasperde kaas
1 eier, opgevul met melk in ‘n koppie (250ml)

Metode:
1. Sif all die droeë bestandele saam.
2. Voeg die gerasperde kaas hierby.
3. Meng die eier en die melk saam en voeg by.
4. Skep lepelsvol in ‘n klein muffin pannetjie (die kleintjies)- patty tins.
5. Bak in ‘n voorverhitte oond teen 180 grade celcius vir tussen 15 en 20 minute.




Bedien die kaaspoffertjies met botter en kaas, marmite of appelkooskonfyt. My gunsteling is ‘n teelepel vol room.

Hierdie is ‘n ligte ete wat almal sal geniet, enige tyd van die dag. My ma het altyd die resep vir ons bemaak, nou maak ek dit vir my gesin. Probeer dit gerus.

As jy graag my resepteboek wil koop, kliek hierdie link… Dit sal jou na my e-book toe vat.

As jy belangstel in my sagteband boek, gaan besoek gerus Amazon.

Traditional South African Bobotie

Bobotie resep

Bobotie is een van die trotste en oudste resepte in Suid-Afrika. Hierdie wonderlike resep is geïnspereer deur die Maleise slawe en hulle wonderlike speserye en geure.

Bestandele:
2 groot uie
2 eetlepels botter
1 dik sny wit brood
1 koppie melk
1 kg gemaalde beesvleis
2 ½ eetlepels sterk kerriepoeier
1 teelepel borrie
2 eetlepels appelkooskonfyt
2 amandels in kwarte gesny
¼ koppie suurlemoensap (of asyn)
2 teelepels sout
½ teelepel wit peper
¼ koppie pitlose rosyntjies
1 groen appel, gerasper
10 gedroogde appelkose, geweek en gesny (of appelkooskonfyt)
4 suurlemoenblare of gedroogde “bay leaves”
2 eiers

Metode:
1. Voorverhit die oond tot 180°C. Braai die uie in botter.
2. Week die brood in die helfte van die melk en druk fyn met ‘n vurk.
3. Meng die vleis saam met die res van die bestandele (behalwe vir die eier, die res van die melk en die “bay leaves”)
4. Skep die mengsel in ‘n oondvaste pan en druk die blare bo-op.
5. Bak in die oond vir omtrent 40 minute.
5. Klits die eiers en die melk saam en gooi bo-oor die mengsel. Lig die vleis effens sodat die eier effens in die bobotie kan inloop.
6. Bak tot bruin bo-op vir ‘n verdere 15 – 20 minute.

Bedien:
Bedien die bobotie met geelrys en rosyntjies. Aartappelslaai gaan ook heerlik hiermee saam.

A bag of mixed cookies

Roly Poly poeding

Hierdie is seker die vinnigste en maklikste gebakte poeding resep wat ek ken. Al wat jy nodig het om te doen is om die poeding voor te berei en in die oond te sit terwyl jy jou hoofgereg bedien. Teen die tyd wat julle klaar geëet het is die poeding lekker warm en net gereed om bedien te word…

Hierd in Suid-Afrika bedien ons als met appelkooskonfyt, so natuurlik is dit nodig vir die poeding ook…. As jy in Engeland is, gebruik gerus arbeikonfyt. As ek egter ‘n voorstel kan maak, probeer die appelkooskonfyt, dit is ‘n wenner.

Bestandele vir poeding:
1 koppie meel
2 teelepels bakpoeier
1 eier
A knippie sout
2 eetlepels botter

Bestandele vir stroop:
2 koppies water
1 koppie suiker

Metode:
1. Vryf die botter, meel, bakpoeier en sout met jou vingerpunte saam.
2. Klits die eier en meng met ‘n bietjie melk. Voeg by bogenoemde mengsel.
3. Rol die deeg uit en smeer appelkooskonfyt bo-oor.
4. Kook die bestandele vir die stroop saam en gooi in die houer waar jy die poeding in gaan bak.
5. Rol die deeg op en sit in die kokende stroop.
6. Bak die poeding in ‘n voorverhitte oond teen 180 grade celcius vir 25 minute.

Bedien die Roly Poly warm wanneer dit uit die oond uitkom met vla of roomys. Ek verkies my vla altyd yskoud, so ek bêre dit in die yskas. Jy kan die vla warm ook bedien as jy dit so verkies. Geniet!

Handtertjies recipe, wonderfully filled with jam

Handtertjies

Ek weet nie van julle nie, maar toe ek grootgeword het het my ma hierdie heerlike handtertjies op ‘n gereelde basis gemaak. Daar is darem maar nie veel dinge lekkerder as appelkooskonfyt nie. My mond water sommer net as ek net daaraan dink… Handtertjies is heerlik bros en sag aan die binnekant gevul met die heerlikste warm appelkooskonfyt…

Hier volg die resep. As jy in Engeland bly sal jy dalk arbeikonfyt verkies, maar ek hou baie meer van appelkooskonfyt.

Bestandele:
1/2 pond botter (margarine werk ook baie goed)
2 koppies meel
1 teelepel kremetart
‘n knippie sout
1/2 koppie yskoue water (net genoeg om die deeg te bind)

Metode:
1. Vryf die meel, sout en kremetart en botter met jou vingers in. (Dit werk makliker as jy die botter inrasper)
2. Meng die water en vou in met ‘n mes..
3. Bind die deeg, maak toe met ‘n koue lap en los in die yskas vir omtrent 30 minute.
4. Rol die deeg uit en gebruik ‘n ronde koekiedrukker om jou terjies mee uit te druk. Plaas ‘n 1/2 teelepel appelkooskonfyt in die middel van die tertjie. Vou die een kant van die tertjie oor die konfyt en druk op die anderkant van die deeg vas (in ‘n halfmaan).
5. Gebruik ‘n vurk om die buitekant vas te druk sodat die konfyt nie uitkook nie.
6. Smeer melk bo-op die tertjies en bak in ‘n voorverhitte oond teen 200 grade Celsius vir 15 – 20 minute tot lig bruin.

Eet en geniet 🙂

A bag of mixed cookies

Eat Sum more shortbread resep

Hierdie is ‘n fantastiese resep en ‘n spesialiteit van die Skotte. Dit is een van Suid-Afrika se gunstelinge en die tuisgebakte weergawe volg hieronder. Maklik genoeg om te bak maar maak seker die shortbread brand nie. Dit is veronderstel om lekker bros te wees maar nie donker nie.

Bestandele:
4 koppies meel
1 koppie strooisuiker
2 koppies botter (margarine werk nie lekker nie)
1/4 teelepel sout

Metode:
1. Botter die meel en suiker saam.
2. Voeg die suiker en sout by en meng.
3. Rol die deeg sodat dit soos ‘n lang wors lyk.
4. Sny dit in sirkels en sit op ‘n bakplaat.
5. Sprinkel suiker bo-op en bak in ‘n voorverhitte oond van 350 grade Fahrenheit.
6. Bak vir 10 minute. As dit nie gaar is nie, bak ‘n verdere 10 minute.




pampoenkoekies with cinnamon sugar

Pampoenkoekies (en hulle is gluten vry)

Pampoenkoekies is ‘n wonderlike byvoegsel vir enige maaltyd. Die mees gewilde pampoen wat in Suid-Afrika hiervoor gebruik word is Herbert Squash. Toe ons egter in Engeland gebly het, was dit nie beskikbaar nie en moes ons eksperimenteer… Butternut het net so lekker gewerk en ek gebruik dit nou graag.

Dit is noodsaaklik dat die pampoen so droog as moontlik is voor jy dit gebruik, anders is dit te waterig en gaan die koekies nie lekker braai nie.

Bestandele:
2 koppies pampoen (1 medium grootte butternut squash)
4 eetlepels meel (meng wit of bruin rysmeel, tapioca en chick pea meel in gelyke hoeveelhede saam vir die gluten vrye weergawe)
2 teelepels gluten vrye bakpoeier
Sout
1 eier
Olie

# As jy nie ‘n celiac is nie kan jy gewone meel en bakpoeier gebruik

Metode:
1. Kook die pampoen in ‘n bietjie water tot sag (tussen 10 en 15 minute). Maak seker die pampoen is baie droog voor jy dit gebruik. Druk die pampoen fyn.
2. Voeg die meel, bakpoeier, sout en eier by en meng goed.
3. Gooi ‘n bietjie olie in ‘n pan en laat dit warm word. Drup lepelsvol van die mengsel in die pan en braai tot bruin aan albei kante.
4. Sprinkel kaneelsuiker bo-oor of gooi ‘n lekker stropie bo-oor.

Soet stroop:
1 eetlepel botter/margarine
3/4 koppie water
3/4 koppie melk
1 1/2 koppies suiker
1 eetlepel mielieblom

1. Laat die botter, water en suiker tot kookpunt kom.
2. Meng die mielieblom met ‘n bietjie water en gooi by. Laat dit vir omtrent 2 minute kook terwyl jy dit meng.
3. Gooi die warm stoop bo-oor die pampoenkoekies in plaas van die kaneelsuiker.

marshmallow tart

Malvalekkertert

Malvalekkers was nog altyd een van my gunstelinge…  Daarom was dit altyd so lekker as my ma ‘n malvalekkertert gemaak het.  Lekker bederf vir ons almal…




Bestandele:
1 blik (397g) kondensmelk
1/2 koppie suurlemoensap
12 rooi kersies in die helfte gesny
1 pakkie (125g) malvalekkers
1 koppie room
1 teelepel vanilla geursel
1 klein blikkie gesnipperde pynappels
1 pakkie tennis beskuitjies

Metode:
1.  Meng die kondensmelk en suurlemoensap en laat staan tot dit dikker word.
2.  Voeg die kersies en gesnyde malvalekkers hierby en meng.
3.  Klits die room en vanilla saam to styf en meng by.
4.  Pynappels word laaste bygevoeg.  Meng goed.
5.  Pak die tennisbeskuitjies in ‘n tert pan en skep die mengsel bo-op.
6.  Krummel 1 of 2 tennisbeskuitjies en sprinkel bo-oor die tert.
7.  Sit in die yskas en laat set.  Bedien koud na 2 ure.

Maak 2 ronde terte

cinnamon toast

Kaneelroosterbrood

Hierdie is seker die maklikste resep op aarde en jy kan dit eet vir ontbyt, ietsie om aan te peusel deur die loop van die dag of sommer vir aandete….

Ek is mal oor kaneelsuiker, so hierdie is vir my altyd ‘n wenner…  Maklik en vinnig om voorteberei…

– Rooster 2 snye brood in die oond aan die een kant.
– Botter die kant wat NIE grooster is nie.
– Meng kaneel en gewone wit suiker saam. Sprinkel op die botter en sit weer in die oond.
– Rooster tot die suiker kristaliseer.
– Eet en geniet terwyl nog lekker warm.

Wat is nou makliker?

Besoek ons facebook bladsy gerus!